Өнгөрсөн 12 дугаар сард Энэтхэгт 23 настай оюутан эмэгтэйг гэртээ харих замд автобусанд зургаан эрэгтэй бүлэглэн хүчиндэж, зодож зам дээр хаяснаар эмэгтэй амиа алдсан аймшигт хэрэг олон нийтийг сэрдхийлгэсэн билээ. Тэгвэл энэхүү харгис хэрэгт буруутгагдан хоригдож байсан этгээд өнөө өглөө шоронд амиа егүүтгэсэн талаар “Yahoo” мэдээлжээ.
  

    Өнгөрсөн 12 дугаар сард Энэтхэгт 23 настай оюутан эмэгтэйг гэртээ харих замд автобусанд зургаан эрэгтэй бүлэглэн хүчиндэж, зодож зам дээр хаяснаар эмэгтэй амиа алдсан аймшигт хэрэг олон нийтийг сэрдхийлгэсэн билээ. Тэгвэл энэхүү харгис хэрэгт буруутгагдан хоригдож байсан этгээд өнөө өглөө шоронд амиа егүүтгэсэн талаар “Yahoo” мэдээлжээ.

    Шинэ Делийн Тихарын шоронд амиа егүүтгэсэн Рам Синх хэмээх этгээд эмэгтэйг хүчиндүүлэх үед залуустай нийлсэн бөгөөд автобусыг жолоодож явсан байна. Тэрбээр үүрийн 05.30 цагт өөрийгөө хувцсаараа дүүжилжсэн байсан хэмээн цагдаа нар мэдэгдсэн байна.

Синх болон түүний хам хэрэгтэн дөрвөн залуу буруутай нь тогтоогдвол цаазаар авах ял авах нь тодорхой байсан юм. Хам хэрэгтнүүдийн нэг нь насанд хүрээгүй хүүхэд байсан тул өөр газар шүүгдэж байгаа юм.

Рам Синхын гэр бүл, өмгөөлөгч нар нь түүнийг шоронд дарамтлуулж байсан учраас амиа хорлосон хэмээн үзэж байгаа аж. хэрэгтний эцэг Менгелал Синх хүүгээ шоронгийн хоригдлууд болон цагдаа нарт хүчиндүүлсэн хэмээн үзэж байгаа аж.

12 сарын 16-ны өдөр Нью Дели хотоос гэртээ харихаар явсан охиныг автобус дотор зургаан залуу бүлэглэн хүчиндэж, зодсон юм. Анагаахын сургуулийн оюутан охин хэдийгээр найз залуутайгаа явж байсан ч эрэгтэй найзыг нь мөн зодож, түүнийг харуулж байгаад хүчиндсэн хэрэг Энэтхэгийн ард түмнийг жагсахаас өөр аргагүйд хүргэсэн билээ. Харамсалтай хохирогч ихээр зодуулснаас болоод эмнэлэгт хүргэгдсэн хэдий ч амиа алдсан юм. Цагдаагийнхны мэдээлснээр гэмт хэрэгтнүүд хохирогчдыг төмөр саваагар зодож, эмэгтэйг нэг цагийн турш хүчиндэж, дараа нь явж байгаа автобус дотроос зам дээр шидсэн гэдэг. 

Энэтхэгийн албан ёсны мэдээллээр тус улсад 14 цаг тутамд багадаа нэг эмэгтэй хүчиндүүлдэг гэсэн эмгэнэлтэй баримт байна.

Д.Идэр