Өнгөрсөн жилээс хэ­рэгж­сэн “100 мянган айлын орон сууц” хөтөлбөрийн зургаан хувийн хүүтэй зээлд хам­рагдахаар 3987 хүн Төрийн банкинд материалаа өгчээ. Гэтэл үүнээс дөнгөж 1081-ийнх нь шийдэгдэж, 970 нь татгалзаж, 705-ийг нь шийд­нэ гэсэн бол үлдсэн 1211 хү­ний материалыг хэрхэх нь тодорхойгүй байгаа аж.

Тиймээс “100 мянган айлын орон сууц” хөтөлбөрт хам­­раг­дахаар барилгын ком­панид байраа захиалж, Тө­рийн банкинд зээлийн ма­териалаа бүрдүүлж өгсөн боловч шийдэгдээгүй иргэд нэгдэн Сүхбаатарын талбайд жагсаал зохион байгууллаа. Ялангуяа “Заг”, “Ноёд” групп, “Жоннатан” ХХК зэ­рэг арав орчим барилгын ком­панид захиалга өгсөн ир­гэд нэгдэн, илүү зохион бай­гуулалттайгаар тэмцэхээр болжээ. Жагсагчид “Шинэч­лэлийн Засгийн газрын бол­­чимгүй шийдвэрээс болж жирийн иргэд хохирч бай­на”, “Засгийн газар 100.000 айлын 4 хувийг ч шийдэж чадахгүй байна”, “100.000 айлын орон сууц” хөтөлбөр иргэдийн итгэлээр тоглох тоглоом байсан гэж үү” гэсэн уриа, лоозон барьсан барьжээ.

Түүнчлэн 100 мянган айлын 6% хүүтэй орон сууц хөтөлбөрийн 200 орчим хохирогчтой УИХ дахь МАН-ын бүлгийн гишүүд 12.00 цагт уулзахаар болжээ.