УИХ-ын гишүүн З.Баянсэлэнгийг АТГ-аас шалгаж буруутай хэмээн үзэж, УИХ-ын Ёс зүйн хороонд шилжүүлээд байгаа. Тодруулбал, иргэдээс түүнийг “Өгөөмөр” хүүхэд асрамжийн төвд ямар ч шалгалтын удирдамжгүй ирээд тус төвийн тусгай зөвшөөрлийг хураан авч, ёс зүйгүй үйлдэл гаргасан хэмээн гомдол гаргасан юм.
    УИХ-ын гишүүн З.Баянсэлэнгийг АТГ-аас шалгаж буруутай хэмээн үзэж, УИХ-ын Ёс зүйн хороонд шилжүүлээд байгаа. Тодруулбал, иргэдээс түүнийг “Өгөөмөр” хүүхэд асрамжийн төвд ямар ч шалгалтын удирдамжгүй ирээд тус төвийн тусгай зөвшөөрлийг хураан авч, ёс зүйгүй үйлдэл гаргасан хэмээн гомдол гаргасан юм.

    Энэ талаар УИХ-ын гишүүн З.Баянсэлэнгээс өөрөөс нь тодруулахад, “Өгөөмөр” хүүхэд асрамжийн төвд хийсэн шалтгалтын асуудлаар намайг УИХ-ын Ёс зүйн хороонд өгснийг саяхан мэдлээ. Тус төвд шалгалт хийхдээ ёс зүйн ямар ч зөрчил гаргаагүй. Харин тэр шал¬галт хэнд ашигтай болоод асуудлыг ингэж дэвэргэж байгааг мэ¬дэх¬гүй юм. На¬майг оролдох хэн нэгний ээлжит явуул¬га, гүтгэлэг л байх даа. Ёс зүйн дэд хороо энэ асуудлыг хэлэлцэж эцсийн шийдвэрээ гаргана гэсэн” гэх тайлбарыг өгсөн юм.

    Эрхэм гишүүнийхээр бол энэ нь хэн нэгний явуулга юм байх. Харин АТГ-аас уг асуудлаар Хүүхдийн төлөө үндэсний газрын Тамгын газрын дарга Д.Тунгалаг, Хүүхэд хамгаалал үйлчилгээний газрын дарга Б.Жавзанхүү нараас тайлбар авахад “Улсын Их Хурлын байнгын хорооноос тусгай хяналт шалгалт хийх удирдамж, чиглэл албан бичгээр ирээгүй. Улсын Их Хурлын гишүүн, Нийгмийн бодлого, боловсрол, соёл, шинжлэх ухааны байнгын хорооны дарга З.Баянсэлэнгийн биечлэн өгсөн даалгаврын дагуу ажилласан. Мөн “Фратернитэ Нотре Даме” Төрийн бус байгууллагаас ирүүлсэн тайлбарт З.Баянсэлэнгэ нь ёс зүйгүй зөрчил гаргасан” талаар дурьджээ.

    Тиймээс АТГ-аас энэхүү үйлдэл нь Монгол Улсын Их Хурлын тухай хуулийн 7 дугаар зүйлийн 7.1.23 /хууль, гишүүний ёс зүйг чанд сахих/ Монгол Улсын Их Хурлын гишүүний ёс зүйн дүрмийн 2 дугаар зүйлийн 2.1.1 /бусдын нэр төр, алдар хүнд, хууль ёсны ашиг сонирхлыг нь эрхэмлэн, хүндэтгэлтэй хандах/ 2.1.2 /хуулиар олгосон бүрэн эрхээ хэрэгжүүлэхдээ төр, олон нийтийн холбоог бэхжүүлэх/, 2.1.4 /төрийн байгууллагын албан хаагчаар зөвхөн албаны чиг үүрэгт нь хамаарах ажил, үүрэг гүйцэтгүүлж байх/ 2.1.7 /ёс зүйн хэм хэмжээг сахих талаар олон нийтэд үлгэр жишээ үзүүлэгч байх/ -д заасан албаны үйл ажиллагаанд баримтлах ёс зүйн хэм хэмжээг зөрчсөн байх үндэслэлтэй, мөн Монгол Улсын Их Хурлын тухай хуулийн 33 дугаар зүйлд заасан Улсын Их хурлаас хяналт шалгалт хийх хэлбэрийг зөрчсөн байж болзошгүй нөхцөл байдал илэрсэн хэмээн иргэдээс төрийн байгууллага, албан тушаалтанд гаргасан өргөдөл, гомдлыг шийдвэрлэх тухай хуулийн 13 дугаар зүйлийн 13.2 дах хэсэгт заасныг үндэслэн Улсын Их Хурлын гишүүн З.Баянсэлэнгийн ёс зүйн зөрчил гаргасан гэх асуудлыг шийдвэрлүүлэхээр Улсын Их Хурлын Ёс зүйн дэд хороонд шилжүүлсэн аж.