Дундговь аймгийн Хулд сумын нутаг Түймэрт цагаан дахь жоншны бичил уурхайг аймгийн Засаг даргын захирамжаар тодорхойгүй хугацаанд хаагаад нэг сар гаруй хугацаа өнгөрч байгаа юм. Хулд сумын хөдөлмөрийн насны дийлэнх иргэд энэ уурхайд ажиллаж, амьжиргаагаа авч явдаг учраас уурхайг нээх шаардлагатай байгааг тэд хэлж байна.

Дундговь аймгийн Хулд сумын нутаг Түймэрт цагаан дахь жоншны бичил уурхайг аймгийн Засаг даргын захирамжаар тодорхойгүй хугацаанд хаагаад нэг сар гаруй хугацаа өнгөрч байгаа юм. Хулд сумын хөдөлмөрийн насны дийлэнх иргэд энэ уурхайд ажиллаж, амьжиргаагаа авч явдаг учраас уурхайг нээх шаардлагатай байгааг тэд хэлж байна.

 Гэхдээ энэ уурхай цар хүрээний хувьд улам томорч, тэр хэрээр хүний аюулгүй байдал алдагдахад хүрээд байгаа одоогийн нөхцөл байдлыг маш оновчтойгоор зохицуулж өгөх сайн журам гаргахыг иргэд хүсч байгаа юм.

Иргэд нь нөхөрлөлийн зохион байгуулалтад орж, эмх цэгцтэйгээр уурхайн үйл ажиллагааг эхэлж байсан гурван жилийн өмнөхөөс одоо байдал тэс ондоо болсон. Өөрөөр хэлбэл бичил уурхай гэж хэлэхээргүй болоод байгаа тул уурхайн үйл ажиллагааг цаашид хэрхэн зохицуулж болох талаар оновчтой бодлогыг иргэд ч тэр, орон нутгийн шийдвэр гаргагчид ч тэр эрэлхийлж байна. Аймгийн ИТХ- ын дарга С. Буджаваас жоншны уурхайг ямар бодлогоор зохицуулбал оновчтой болох талаар тодруулахад, -Ерөөсөө хамгийн зөв хувилбар бол уурхайн нөөцийг тогтоолгоод орон нутгийн өмчит компани байгуулж, ашиглалтын эрхэмжтэй болгох явдал байна. Тэгсэн тохиолдолд 19 хувийг иргэдэд хувьцаа болгох, үлдсэн хувийг гадаад зах зээлд хөрөнгө босгоход ашиглах замаар орон нутаг өөрөө энэ уурхайг эзэмшиж болно.  Мэргэжлийн хүмүүсээс асуухад Түймэрт цагаан бол тийм ч жижиг уурхай биш байх магадлалтай байна. Одоогоор хайгуул хийх зөвшөөрөлд Ерөнхийлөгч хориг тавьчихсан учраас дээрх санаа хэрэгжих боломжгүй юм. Харин энэ боломж бий болох хүртэл яг ямар зохистой зохицуулалт байж болох вэ гэдгийг бид төлөвлөн гаргах хэрэгтэй болж байна гэлээ.  Гэхдээ тодорхойгүй хугацаагаар хаачихаад байгаа энэ уурхайг шууд нээчихэж болохгүй гэдгийг ИТХ- ын дарга онцлов.