Эрүүл мэндийн яамнаас төрийн бус байгууллагуудыг дэмжиж, үйл ажиллагаа явуулахад нь тусламж үзүүлж, иргэдийн эрүүл мэндэд хувь нэмэр оруулах зорилгоор "Архидалт мансуурлын хор нөлөөг бууруулах үйлчилгээний төв"-ийн байрыг өнөөдөр хүлээлгэн өгч, нээлтээ хийжээ.

“Архидалт мансуурлын хор хөнөөлийг бууруулах үндэсний эвсэл”-ээс иргэд олон нийтийг архидан согтуурах эрсдэлт зан үйлээс сэргийлэх, архины асуудалтай хүмүүст тусламж үйлчилгээ үзүүлэх зорилго бүхий үйл ажиллагааг тус байранд явуулах аж. Тус төв Чингэлтэй дүүргийн 18-р хороо, Жанчивдэчинлэн хийдийн урд байрлаж байгаа юм.