Японы “Сузуки мотор” корпораци Канад улсад машин худалдаалахаа түр зогсоох шийдвэр гаргажээ.

    Японы “Сузуки мотор” корпораци Канад улсад машин худалдаалахаа түр зогсоох шийдвэр гаргажээ.
    Учир нь Канад дахь борлуулалт нь 44 хувиар буурсан байна. Энэ оны хоёрдугаар сар гэхэд “Сузуки мотор” тус улсад ердөө 256 машин борлуулжээ. Харин өмнө жилийн энэ сард борлуулсан машины тоо 457 буюу 2012 онд нийтдээ 5458 машин худалдаалж байв.

Энэхүү шийдвэрийг америк дахь салбар компани нь дампуурснаас хойш дөрвөн сарын дараа гаргалаа хэмээн “Хаффингтон пост” бичжээ.

“Сузуки мотор” нь үйлдвэрлэлээрээ Японд дөрөвдүгээрт, дэлхийд есдүгээрт ордог автомашины тэргүүн компани юм. Дэлхийн 192 оронд бүтээгдэхүүнээ нийлүүлдэг тус компани 23 оронд автомашины 35 томоохон үйлдвэрийг ажиллуулж байна.