“Дижитал” хамтлагийн ахлагч асан Бааварыг шатаасан асуудал олны анхаарлыг татаж байна. Юутай ч ШШГЕГ-ынхан Бааварыг “Өөрийгөө шатаасан” хэмээн мэдэгдсэн ч үүнийгээ баталж чадаагүй. Харин ч олон янзын тайлбар өгч, гадны нөлөөтэй шатаасан гэх хардлагыг төрүүлээд байгаа. Мөн одоогоор тухайн үеийн бүх бичлэгийг битүүмжлэн шалгаж эхлээд байгаа юм. Хорих ангийн камер нь харгалзагч камерийг унтрааж асааж болдог бөгөөд гал гарах үед бичлэгийн унтраасан байх болзошгүй байгаа. Тиймдээ ч ШШГЕГ-аас бичлэгт харгалзагч оролцохгүй байх төхөөрөмжийг суурилуулах гэж байгаа аж. Харин Бааварын шатаасан асуудалд дахин нэг таамаг гарч ирлээ. Тодруулбал, Бааварын шатдаг өдрийн маргааш түүний шүүх хурал болох байсан юм. Тэрээр Эрүүгийн хуулийн тусгай ангийн 192.1-т зааснаар хар тамхи, хэрэглэсэн, хадгалсан, борлуулсан гэх үндэслэлээр шүүгдэх байжээ. Тиймээс түүний шатсан хэргийн цаана хар тамхитай холбоотой сүлжээ байсан байж болзошгүй хэмээн эх сурвалж мэдээлэв. Учир нь тэрээр шүүх хурлын үеэр хар тамхины сүлжээг задлах гэж байсан аж. Иймд хар тамхины сүлжээнийнхэн баригдахгүйн тулд түүнийг шатаасан байж болзошгүй гэв.
Б.Золбоо
Сэтгэгдэл (22)