Эдгээр арван хөшөө дэлхийд бурханы шашин олон зуун жилийн тэртээгээс оршин тогтнож ирсний нотолгоо болдог бөгөөд, эрдэмтэн судлаачид дэлхий хамгийн алдартай хөшөөнүүдийн тоонд зүй ёсоор тооцдог байна.

10. Энэтхэгийн Хидрэбад хотын хиймэл нуурын голд орших энэхүү хөшөөг Hussain Sagar гэдэг билээ. Бүхлээрээ 17 метрийн өндөртэй, 320 тонн жинтэй энэхүү хөшөө нь Энэтхэгийн хамгийн том дан биет хөшөө юм. Дархчууд үүнийг бүтээхдээ чулуу бүр дээр нь сийлж дүрслэн гаргажээ. Хамгийн эмгэнэлтэй нь 1992 онд хөшөөг босгох явцад 8 ажилчин нуурт унан нас барсан байна. Засгийн газраас энэхүү хөшөөг дахин сэргээн засварлаж одоог хүртэл гайхамшигтай хэвээр үлджээ.

9. Хонг Конгийн Лантау аралд байрлах бас нэгэн алдартай хөшөө бол По Лин хийдийн дээр байрлах Тиан Тан Будда билээ. Энэхүү хөшөө нь 34 метрийн өндөртэй ба 1993 онд хүрлээр бүрхэгдэж дуусжээ. Хүн, байгаль, шашны нийцэл, эв эеийн бэлэг тэмдэг болгон бутээгдсэн юм. Тиан Та Будда хөшөө нь амар амгаланг илтгэн бадамлянхуа цэцгэн дээр суужээ. Мөн зовлон шаналалыг арилгана хэмээн баруун гараа өргөсөн ба аз жаргалыг дуудна хэмээн зүүн гараа өвдгөн дэрээ тавьсан ажээ.

8. Дэлхийн хамгийн том хэвтээ бурханы хөшөө нь Манюува хотод байрладаг. Энэ аварга том хөшөө нь 90 метр урт ба зөвхөн толгой нь 60 метрийн өндөртэй юм. Үүнийг жуулчдад зориулж 1991 онд дотроо хөндий хоосон болгон бүтээжээ. Энэхүү хөшөөний дотор бурхан багш болон түүний шавь нарын зураг байдаг аж. Сүүлд хөшөөний ард болох По Каунг толгодын дээр зогсож буй бурхан багшийн хөшөөг барьжээ. Энэ нь 132 метр өндөр юм.

 7. Тайландын Аутаяа хотод ер бусын сонин хөшөө байдаг ажээ. Уат Махадатын сүйрлийн дундаас үлдсэн эртний элсэн чулуун хөшөө юм. Энэ хөшөөний их бие нь олон зуун жилийн өмнө үгүй болсон билээ. Зөвхөн толгой хэсэг нь модны үндсэнд авиран дээш шигдсэн байдалтай тогтжээ. Сонирхолтой л юм.

6. Өмнөд Шриланкийн төв болох Полонарувад дэлхийн хамгийн гайхамшигтай хөшөө бол Gal Gal Viharaya билээ. Энэ агуу том чулууун хийд нь 12 дугаар зуунд баригдсан эртний бүтээл юм. Хийдийн гол анхаарал татахуйц зүйл бол гадна талд нь байрлах 4 том бурханы хөшөө ажээ. Уг хөшөөг Боржин чулуун дээр сийлсэн юм байна. Урт нь 14 метр, өндөр нь 7 метр.
5. Дэлхийн хамгийн өндөр хөшөө бол Японы Ушуку хотод байдаг билээ. 1995 онд дууссан энэхүү хөшөөний доор байх бадамлянхуа цэцгэн суурийн өндрийг оролцуулаад 120 метр юм байна. Жуулчид хөшөөний тавцанд цахилгаан шатаар гарч, алсыг ажиглах боломжтой баригдсан байна. Уг хөшөөг Амитабха бурханы дүрээр буулгасан ба хүрлээр бүржээ.
 4.Хамгийн том гайхалтай хэвтээ бурханы хөшөө болох Wat Pho нь Банконгд байдаг билээ. Энэхүү хөшөө нь Банконг Тайландын нийслэл болохоос өмнө буюу 200 жилийн өмнө баригдсан эртний хөшөө юм. Бухэлдээ алтаар бүрэгдсэн ба урт нь 46 метр, өндөр нь 15 метр юм. Уг хөшөөг бурхан багшийн нирваан дүрд заларсантай холбогдуулж бутээжээ. Хөшөөний мэлмий ба хөлийг танан эрдэнээр гаргаж , хөлний тавхайд нь бурхан багшийн 108 төрхийг дүрсэлжээ.

3. Котоку хийдийн алдартай нэгэн хөшөө нь Японы Камакура хотод байдаг билээ. Энэхүү хөшөө нь бурхан багшийн гайхалтай дүр болох Амида бурханыг дүрсэлжээ. Уг хөшөө нь хүрэл бөгөөд, өндөр нь 13 метр, ойролцоогоор 93 тонн жинтэй юм байна. 1252 онд Жоко ламын цуглуулсан хандиваар боссон юм байна. Тэр үед энэ хөшөө нь модон хийдэд байрлаж байсан ба 15 дугаар зуунд болсон цунамид уг хийд нь устсаны улмаас дангаараа оршиж байгаа ажээ.

2. Дэлхийн хамгийн гайхалтай эртний хөшөө нь Банконгийн Ват Пра Кийв гэдэг хийдэд байдаг Маргад эрдэний хөшөө юм. Энэхүү хөшөө нь манай эриний өмнөх 43 онд Энэтхэгийн Паталипутра хотод байсан ба 4 дүгээр зуунд нэгэн лам түүнийг дайны сүйрлээс авч Шриланкад авчиржээ. Эцэст нь энэ хөшөө 1779 онд Тайландад иржээ. Алтан хувцастай ба улирал бүр Тайландын хааны ёс заншилын дагуу хувцсаа солидог юм байна. Уг хөшөөнд халууны, хүйтний борооны гэсэн 3 төрлийн хувцас байдаг гэнэ.

1.Хятадын Сичуаны байрладаг хөшөө бол аварга том хадан хөшөө юм. Энэхүү гайхалтай бүтээл нь Маитряан бодисадва дүрд байгаа суумал хөшөө билээ. 713-803 онд баригдсан ба мянга мянган ажилчид ажиллажээ. Бусад хөшөөнүүдийг бодвол уг хөшөө нь өөрийн гэсэн дуу, шүлэг, түүхтэй юм байна. Өндөр нь 71 метр ба, гарны хуруу болгон нь 3 метр ажээ.