Шадар сайд, МАХН-ын дэд дарга Д.Тэрбишдагвыг хэрхэн шийтгэх талаар намын нөхөд нь ид ярилцаж байна. Учир нь тэрбээр сүүлийн үед Н.Энхбаяр даргыгаа ч өмгөөлөхөө байж, намынхаа төлөө явж байгаагаа ч олигтой харуулахаа болижээ.

Д.Тэрбишдагва өнгөрсөн баасан гарагт нээсэн хаврын чуулганы үеэр нөхдийнхөө хамт чуулганыг хаяж гарахаас татгалзжээ. Хаясан нь хаясан гэхдээ Ерөнхийлөгч Ц.Элбэгдоржийг үг хэлэх үед хамт гарахаас татгалзсан нь бусдынхаа дургүйг хүргэв.

Мөн Д.Тэрбишдагвыг сүүлийн үед Н.Энхбаярыг хамгаалахаас эрс татгалзсан гэх яриа ч нөхдийнх нь дунд явагдлаа.

Ингэж нам дотроо нэр хүнд нь унасан учраас ирэх зургадугаар сард болох Ерөнхийлөгчийн сонгуульд намаасаа нэр дэвших боломж Д.Тэрбишдагвад үлдэхгүй бололтой. Мөн МАХН-ынхан  нь түүнийг шийтгэх талаар ярилцах гол шалтгаан болов. МАХН-ынхны шийтгэл хөшигний цаана болохгүй хэмээн эх сурвалж мэдээллээ.