Сонгуулийн ерөнхий хорооны дарга Ч.Содномцэрэнгээс Төсвийн байнгын хорооны дараа сэтгүүлчид дараахь тодруулгыг авав.

-Ерөнхийлөгчийн сонгуулийн товыг тогтсон уу?
-Ерөнхийлөгчийн сонгуулийн тухай хуульд сонгуулийг товлон зарлах  хугацааг заасан байдаг. Энэ нь санал авах өдрөөс 65-аас доошгүй хоногийн өмнө УИХ товлон зарлана гэсэн хуулийн заалттай. Ингээд тооцохоор зургадугаар сарын сүүлийн долоо хоног буюу 24-28-ны хооронд товлон зарлах бололцоотой. Энэ саналаа УИХ-д хүргэсэн байгаа. Сонгуулийг товыг гаргасны дараа арав хоногийн дараа намууд нэр дэвшүүлэх ажлаа эхэлнэ. Тавдугаар сарын 10 гэхэд намуудын нэр дэвшигч тодорхой болчихсон байна. Сурталчилгаагаа хийх хугацааг нь нэр дэвшигч бүртгүүлж үнэмлэхээ авсан өдрөөс эхэлнэ. СЕХ нэр дэвшигч үнэмлэхийг нь санал авах өдрөөс 35 хоногийн өмнө олгоно гээд хуульд заачихсан. Энэ тавдугаар сарын 10-аас хойш болж таарч байна.
 
-Увсын хоёр гишүүний асуудлыг яах вэ. Гишүүд нь буруугүй гэтэл туслахууд нь буруутай гэсэн зөрүүтэй ойлголт нийгэмд яваад байна л даа?
-Дээд шүүхээс СЕХ-нд ямар нэгэн шийдвэр, бичиг ирээгүй байна.

 - Увсын гишүүдийн мөнгө тараасныг нотолсон иргэдийн урамшууллыг хаанаас олгох вэ?
-Хэрэв шүүхээс хууль зөрчсөн асуудлыг тогтоож, СЕХ-нд шийдвэрээ ирүүлэх юм бол хуульд заасны дагуу тухайн иргэдэд урамшууллыг нь олгох ёстой. Энэ дагуу бид хэлэлцээд шийдвэрээ гаргана.