Хойд Солонгос дайн эхлүүлнэ хэмээн сүрдүүлээд удаж байна. Гэтэл барууны хэвлэлүүд “Хойд Солонгос пуужингаа хэзээ ч хөөргөж мэднэ” хэмээн АНУ-ын эрх баригчид мэдээлсэн гэж бичицгээлээ. АНУ Хойд Солонгосын заналхийлсэн мэдүүлгүүд бол сүрдүүлэг төдийн зүйл хэмээн мэдээлж байсан. Харин одоо АНУ, Япон улсууд пуужинг амдан барьж усгах систем байршуулж, хариу цохилт өгөхөд бэлдэж, ийм мэдэгдэл хйихэд хүрч байгаа нь байдал улам хурцадсаныг харуулж байна. Тиймээс Хойд Солонгосын заналхийлэл юу болон хувирч буйг тоймлон хүргэе.


3 сарын 27: АНУ-ын Хавай, Гуам арал дээр байрладаг Пентагоны цэргийн баазуудад цохилт өгнө

БНАСАУ-ын Мэдээллийн төв агентлаг тус улс байлдааны бэлэн байдалд шилжсэнийг мэдээлсэн. Хойд Солонгосын удирдагч Ким Чен Ын АНУ-ын Хавай, Гуам арал дээр байрладаг Пентагоны цэргийн баазуудыг дайралтын гол объект болгосон гэв.

3 сарын 28: Өмнөдтэй цэргийн утсан холбоогоо таслав

Хойд Солонгос Өмнөдтэй цэргийн утсан холбоогоо тасалсан. Үүний улмаас тус улсын бүсэд орших “Кайсон” үйлдвэрлэлийн бүсэд Өмнөдийн ажилтнууд нэвтэрч чадахгүйд хүрэв.  200-300 мянган хүн ажиллаж амьдардаг хил залгаа үйлдвэрлэлийн бүсэд одоо Өмнөд Солонгосын 500 гаруй ажилтан үлдсэн байна. Тэд энэ долоо хоногтоо багтаж эх орондоо ирнэ гэсэн мэдээлэл бий.

3 сарын 29: Империалист Америкийг сөнөө
Хойд Солонгосын удирдагч Ким Чен Ын пуужингуудаа байлдааны бэлэн байдалд оруулахыг тушаасан билээ. Түүний энэхүү зааврыг Хойд Солонгосын ард түмэн дэмжиж Пхеньяны төв талбайд цугласан байна. Ким Ир Сений талбайд 90 минут жагсах оюутан залуус, цэргийнхэн хүчнийхэн “Империалист Америкийг сөнөө”, “Америкийн түрэмгийлэгчдийг устга” хэмээн уриа хашгирч байв.

4 сарын 4: 3000 км-ийн тусгалтай “Мусудан 3” пуужин

Хойд солонгос зүүн эрэгтээ 3000 км-ийн тусгалтай “Мусудан 3” пуужингаа байршуулсан. Тэгвэл пуужин хөөргөх бэлтгэлээ өчигдөр хангаж дууссан аж. АНУ-ын албаныхан энэ удаа Хойд Солонгос пуужингаа хөөргөхдөө замд нь өртөж магадгүй сансрын хөлгүүдэд анхааруулга өгөхгүй гэв.

4 сарын 5: Гадаадын иргэд амиа бод

Хойд Солонгосын эрх баригчид тус улсад түр болон удаан хугацаагр оршин сууга гадаадын иргэдийг эх орноос нь гарахыг зөвлөж, дайны үеэр ямар нэгэн хохирол амсвал хариуцлага хүлээхгүй гэдгээ хэлсэн.

Хойд Солонгосын батлан хамгаалахын хүч

Цэргийн хүчин чадал. Хойд Солонгос цэргийн хүчин чадлаараа дэлхийд дөрөвдүгээрт бичигддэг. АНУ-ын Үндэсний аюулгүй байдлын байгууллага “CIA”-ийн мэдээлснээр 2011 оны байдлаар тус улсад 1.19 сая хүн цэргийн албыг идэвхитэй хашиж байна гэв. Үүний 1.02 сая нь армид, 60 мянган нь тэнгисийн цэргийн флотод, 110 мянга нь агаарын хүчинд хуваарилагджээ. Мөн 189 мянган хагас цэргэжсэн бие бүрэлдэхүүнтэй, 600 мянган бэлтгэл цэрэгтэй аж. Судалгаагаар Хойд Солонгосын 25 хүний нэг нь цэрэгт элссэн бөгөөд уг албыг таван жилээр хашдаг байна.  Тэнгисийн флот, агаарын хүчинд 3-4 жил албаа гүйцэтгэдэг юм байна.

Пуужингийн хөтөлбөр. Хойд Солонгос пуужингийн хөтөлбөрөө 1970 оноос хэрэгжүүлж эхэлсэн бөгөөд 1984 оны дөрөвдүгээр сард “Scud-B” алсын тусгалтат пуужинг туршжээ. Тус улс 500 км-ийн тусгалтат “Scud-C”, 800 км-ийн тусгалтат “Scud-D”, 1300 км-ийн тусгалтат “Нодонг” пуужинг үйлдвэрлэсэн байна. 1998 онд “Taepodong-1” пуужинг туршсан боловч бүтэлгүйтжээ. Дараа нь тив хоорондын тусгалтат “Taepodong-2” пуужинг үйлдвэрлээд туршиж үзээгүй боловч хэзээ ч ашигладахад бэлэн гэж АНУ мэдээлж байв. Тус улсыг 600-750 пуужинтай гэж үздэг. Мөн Бирм, Нигери, Египт, Иран, Ливи, Пакистан, Сири, Йемен зэрэг улсад пуужин нийлүүлсэн нь батлагджээ.

Зэр зэвсгийн хүчин чадал. Тус улс дээрх хэд хэдэн аслын тусгалтат пуужин, 600-750 богино зайн пуужингаас гадна 3500 танктай. Нийтдээ 17 сая 600 мянга гаруй зэр зэвсэгтэй аж. Зэр зэвсэг үйлдвэрлэдэг 120 мянган ажилтантай гэдгийг тайланд дурджээ.

Цөмийн чадамж. Хойд Солонгос цөмийн хүчин чадлаа нэмэгдүүлэхийг хичээдэг ч хоёрхон цэнэгт хошуутай хэмээн “CIA”-ийн 2009 оны эмхэтгэлд бичжээ. Харин цэнэгт хошуугаараа тэргүүлэгч улсууд буюу ОХУ-д 13 мянга, АНУ-д 9500, Нэгдсэн вант улсад 192 байдаг тайланд дурджээ. Хойд Солонгосыг гурван удаа цөмийн зэвсэг туршсан гэж үзэж байна. 2009.05.25-ны өдөр хийж байсан  хоёр дахь удаагийн цөмийн туршилтаар газар хөдлөлт 0.5 баллаар хүчтэй байв. Газар хөдлөлтийн хэмжээ 0.2 балл өсөх тусам  туршсан цөмийн зэвсгийн хэмжээ хоёр дахин өсдөг тул Хойд Солонгосчуудын гурав дахь удаагийн цөмийн зэвсгийн туршилт өмнөхөөс 5-6 дахин их  хүчтэй болсон байна.

4 сарын 9: Хойд Солонгосын пуужинд хэн өртөх магадлалтай вэ?

Дайн зарлана хэмээн сүрдүүлээд буй Хойд Солонгос энэ сарын 15-нд пуужингаа хөөргөх магадлалтай. Эл өдөр тус улсын удирдагч Ким Сен Ирийн төрсөн өдөр тохиох юм. Тэгвэл мэргэжилтнүүд Хойд Солонгосын пуужингуудын тусгал хаана хүрэх магадлалтайг тооцоолон гаргасныг хүргэе.