МАН дотор ил задгай яриатай нэгэн эрхэм байдаг. Тэр бол УИХ-ын гишүүн асан, “Нарантуул” захын эзэн Ш.Сайхансамбуу юм. Уг нь Н.Алтанхуягийн өгсөн “задгай цагаан” хэмээх алдар Ш.Сайхансамбууд л зохих учиртай л даа. 

Намынхаа олон удирдлагыг намаасаа гаргах ёстой гэж ил цагаан тулгасан тэрээр ээлжит мэдэгдлээ хийлээ. Учир нь тэрбээр одоо нийслэлийн МАН-ын дэд даргаар ажиллаж байгаа. Сонирхолтой нь түүнийг хүсээгүй байхад энэ албанд томилжээ. Энэ тухайгаа “Нийслэлийн Бага хуралд би өөрөө суугаагүй байхад тэргүүлэгчээр сонгочихсон байна лээ. Тэгээд дэд дарга болгосон байна билээ. Намайг сонгоод өг гэсэн биш” хэмээн зарлаж байна. Харин Ш.Сайхансамбуугийн энэ үг нийслэлийн олон гишүүдэд таалагдахгүй байгаа гэж эх сурвалж мэдээллээ. Тиймээс удахгүй түүнийг хүсэхгүй байгаа энэ албанаас нь ч зайлуулж магадгүй гэлээ.

Б.Болдбаатар