Шинэчлэлийн Засгийн газрын сайдууд долоо хоног бүрийн Лхагва гаригт салбарынхаа асуудлаар сэтгүүлчдэд нээлттэй мэдээлэл хийж, тэдний сонирхсон асуултад хариулах болсон. Тиймээс маргааш Барилга, хот байгуулалтын сайд Ц.Баярсайхан нээлттэй ярилцлага хийх аж. Нээлттэй ярилцлага Гадаад харилцааны яамны "Зөвшилцөл" танхимд болно. Энэ үеэр барилгын салбарт хийгдэж буй бүтээн байгуулалтуудын талаар мэдээлэл хийж, салбарынхаа бодлого, зорилтын талаар танилцуулан, сэтгүүлчдийн асуултад хариулна.