Ерөнхий сайд Н.Алтанхуяг Бурхан Халдун ууланд авирах гэж яваад цасанд боогдсон. Түүнийг аврахын тулд татвар төлөгчдийн мөнгөнөөс 28 сая төгрөг зарцуулсан. Үүнийг шүүмжлэх нэгэн байхад зүй ёсны хэрэг, харин ч бага мөнгө зарцуулсан гэх хүн ч байна. УИХ-ын гишүүн Д.Хаянхярваа  "Ямар ч байсан Засгийн газрын тэргүүн хүнд байдалд орсон бол түүнийг аврах ажиллагааг Монголын төр хийх ёстой. Ер нь бол зардлын хувьд 28 сая төгрөг гэдэг бага тоо. Гэхдээ тийшээ явахдаа олон нөхцөл байдлыг судалж үзэх ёстой байсан юм. Цаг агаарын нөхцөл байдал муу байна гэж мэдээлсээр байтал ажлын хариуцлагагүй хайхрамжгүй байдал гаргаж байна" гэжээ.