Хөвсгөл аймгийн прокурорын газраас "Хадгаламж" банкны Хөвсгөл дэх салбарын теллерээр ажиллаж байсан С-т холбогдох хэрэгт яллах дүгнэлт үйлдэж, Сум дундын шүүхэд шилжүүлсэн байна. Холбогдох албаныханы хэлж буйгаар С нь 148 удаагийн үйлдлээр 23 данс эзэмшигчийн хугацаатай хадгаламжийн данснаас 279 сая төгрөгийг завшсаныг хэрэг бүртгэлт, мөрдөн байцаалтын явцад тогтоожээ. Түүнийг гэрээ дуусаагүй байхад харилцагчийн гарын үсгийг дуурайлган зурж хугацаа алдуулан зарлага гаргаж ашигласан, баримтгүйгээр зарлагын гүйлгээ хийснийг тогтоосон байна. Мөн харилцагчийн тушаасан орлогын мөнгийг дэвтэрт бичилт хийж дансанд орлогын гүйлгээ хийлгүйгээр тушаасан орлогыг хувьдаа завшиж байсныг илрүүлжээ.