Өнгөрсөн долоо хоногт манай улсын түүх соёлын үнэт зүйлсийг хилээр гаргах гэж байхад нь Замын-Үүд дэх гаалийн газрын ажилтнууд илрүүлжээ. Хэрэг энэ сарын 4-нд болсон бөгөөд үзлэг шалгалтаар мөнгөн тоногтой иж бүрэн эмээл гурван ширхэг, түүх соёлын бусад дурсгалт зүйл есөн ширхэг, баринтагтай эртний судар таван ширхэг байсныг илрүүлжээ. Эх сурвалжийн мэдээлж буйгаар Замын үүдийн боомтоор  УАЗ-469 унасан хүн БНХАУ-д судар, эртний эдлэл гаргах гэж байгаад баригдсан. Одоогоор  эд зүйлсийг  Гаалийн лабораторид хэдий үеийн эртний эдлэл болохыг шинжлүүлэхээр өгөөд байгаа.  Маш эртний өнөөгийн лам нар ч ховор мэдэх судар, түүхийн чухал өв гэсэн юм.Шинжилгээний хариу гартал Гаалийн ерөнхий газраас энэ хэрэгтэй холбоотой мэдээлэл өгөхгүй байгаа юм.