Авлигатай тэмцэх газраас 14.00 цагт мэдээлэл хийнэ. АТГ-ын Урьдчилан сэргийлэх, соён гэгээрүүлэх хэлтсийн дарга, эрхэлсэн комиссар Б.Бат-Отгон, Хяналт шалгалт, дүн шинжилгээний хэлтсийн дарга, эрхэлсэн комиссар Ж.Батсайхан, Мөрдөн шалгах хэлтсийн дарга, эрхэлсэн комиссар Д.Цоодолсэнгээ нар оролцоно.

10.00 цагаас ”Чингис” зочид буудалд ”Ардчилал ба улс төрийн хэлмэгдүүлэлт” сэдэвт эрдэм шинжилгээний бага хурал болно. Шадар сайд Д.Тэрбишдагва, УИХ-ын дэд дарга Л.Цог, улс төрийн хэлмэгдүүлэлтийн судалгааны төвийн захирал Д.Хоролдамба болон хүний эрхийн хуульчид оролцоно.

Барилга, хот байгуулалтын салбарын удирдах ажилтны зөвлөгөөн 09.00 цагт Соёлын төв өргөөнд болно.

Зууны мэдээ сонины “Үндэсний мэдээллийн төв”-д 11.30 цагаас ”Аморе” интернейшнл компани ”Утаагүй түлш үйлдвэрлэх” төслийн талаар танилцуулга хийнэ.

“Хүнсний аюулгүй байдал иргэдийн оролцоо сэдэвт зөвлөгөөн” 09.00 цагт Төрийн ордонд эхлэнэ.

Монгол улсын нийгэм эдийн засгийн байдлын 2013 оны гуравдугаар сарын Статистик мэдээлэл танилцуулах хэвлэлийн бага хурал өнөөдөр 10.00 цагаас болно.

 09.00-13.00 цагт Улаанбаатар зочид буудалд ”Сэтгэцийн эрүүл мэнд, нөхөн сэргээлт”-ийн асуудлаар уулзалт ярилцлага болно.

12.00 цагт "Залуу зохион бүтээгч 2013" олон улсын уралдааны нээлт Монголын залуучуудын холбооны байранд болно. Ерөнхий сайд Н.Алтанхуяг оролцож, зохион бүтээгчдийн шинэ бүтээлтэй танилцана.

МН мэдээллийн төвд

11.00 цагт  Мөнгө угаах гэмт хэрэгтэй холбоотой асуудлаар “Монгол консерватив” намаас мэдээлэл хийнэ.

11.30 цагт  Архангай аймгийн Булган сумын ИТХ-ын дарга асан С.Мишка тамгаа өгөлгүй дөрвөн сар болж буйгаас ИТХын үйл ажиллагаа зогссон талаар иргэд, төлөөлөгчид мэдээлэл хийнэ.

12.00 цагт “Цагаан хас” хөдөлгөөнөөс УИХ-ын гишүүн С.Баярцогттой холбоотой асуудлаар хэвлэлийн бага хурал зарлалаа.

12.30 цагт “Шударга ёс” бүлгэмээс өнөөгийн улс төр, цаг үеийн асуудлаар байр сууриа илэрхийлнэ.