Сомалийн Могадишу хотын шүүхийн байр луу зэвсэглэсэн 10 этгээд дайран орж, халдлага үйлдсэнээр олон арван хүн амиа алджээ. Өнгөрсөн ням гарагт болсон эмгэнэлт явдлыг орон нутгийн эх сурвалж өчигдөр “CNN”-д мэдээлсэн байна.

Тус улсын дипломат ажилтны мэдээлснээр шүүхийн байранд байсан 100 гаруй хүнээс 29 нь амиа алдсан аж. Исламын цэргийн Ал Шабааб бүлэглэлийн есөн гишүүн амиа алдагсдын тоонд багтсаныг мөн онцолжээ. Мөргөлдөөний үеэр мөн 60-аад хүн шархадсан гэлээ.
 
Сомалийн Ерөнхийлөгч Хассан Шейх Мохамуд “Манай улс цөхрөнгөө барсан террорист та нарын зорилгоос урьдчилан сэргийлж, энх тайван, тогтвортой Сомали болж хөгжсөөр байх болно” хэмээн эмгэнэл илэрхийлэхдээ хэлжээ.

Д.Идэр