Манай улс БНАСАУ-тай 1948 оны аравдугаар сарын 15-нд дипломат харилцаа тогтоосон. Монгол Улсын Засгийн газар Солонгосын хойг болон бүс нутгийн энх тайван, аюулгүй байдлыг бэхжүүлэх, маргаантай асуудлыг яриа хэлэлцээний аргаар, энх тайвнаар шийдвэрлэхэд хувь нэмэр оруулах зорилгын үүднээс холбогдогч талуудын хооронд яриа хэлэлцээ явуулахад зуучлан хамтран ажиллах санал дэвшүүлснийг БНАСАУ-ын тал нааштай хүлээн авч байсан. Худалдаа, эдийн засгийн хамтын ажиллагаа, буцалтгүй тусламж, ажиллах хүч солилцох гээд л бүхий л тал дээр хамтарч ажиллахаар болсон билээ.  Тэгвэл БНАСАУ-ын удирдагчийн зүгээс хүнсний тусламж хүссэн албан тоотыг манай улсад ирүүлсэн тухай эх сурвалж мэдээллээ.