Хятадад тархаад буй шувууны шинэ төрлийн ханиадаар амиа алдагсдын тоо 16-д хүрсэн. H7N9 виурсын тархалт хурдацтай байгааг тус улсын Засгийн газар анхааруулж байгаа юм. Үүнээс гадна Хятадын тэжээвэр шувууны зах зээл 1.6 тэрбум ам.долларын алдагдал хүлээснийг эрх баригчид тэмдэглэжээ.

Асуудлыг улас төвөгтэй болгож байгаа зүйл нь өвчлөгсдийн 40-өөд хувь нь тэжээвэр шувуутай ойр байдаггүй хүмүүс байв. Тиймээс тэд хэрхэн халдвар авсан бэ гэдэг асуулт бий болжээ. H7N9 вирус хүнээс хүнд хлдварладаг эсэхийг тогтоож амжаагүй байгаа юм.

Мөн Дэлхийн Эрүүл мэднийн байгууллагаас томилсон шувууны ханиадын олон улсын мэргэжилтэнгүүд энэ долоо хоногт Хятад руу очихоор төлөвлөж байна гэж “Ройтерс” бичжээ.