Сонгинохайрхан дүүрэг буюу УИХ-ын 26-р тойргийн хороо өчигдөр хуралдаж, МАН-аас нэр дэвшигч Д.Сумъяабазарт УИХ-ын гишүүний түр үнэмлэхийг нь олгосон.   СЕХ нэр дэвшигчийг УИХ-ын гишүүний тангараг өргүүлэхийг УИХ, Ерөнхийлөгчид айлтгасны дараа Д.Сумъяабазар тангараг өргөх юм. Тэгвэл түүнийг ирэх долоо хоногт тангараг өргүүлэх тухай эх сурвалж мэдээллээ. Хэдийгээр түүнийг энэ долоо хоногт УИХ-д Сонгуулийн ерөнхий хороо өргөн барих ч  Засгийн газрыг огцруулах гээд мөн АН-ынхан Н.Алтанхуягийг огцруулахад нэг ч гэсэн эсрэг кноп дарах хүнийг өмнө нь тангараг өргүүлээд яахав гээд сунжирна. Өөрөөр хэлбэл эхлээд Н.Алтанхуягийн асуудлыг хэлэлцээд, дараа нь Д.Сумъяабазарын тангарагийг өргүүлье гэж шийдсэн бололтой байна. Ямартаа ч Д.Сумъябазар аварга энэ долоо хоногт биш юм аа гэхэд ирэх долоо хоногт тангарах өргөх нь тодорхой байна. Аварга Д.Сумъябазар тангараг өргөснөөр МАН УИХ-д 26 гишүүнтэй болох юм.