Чуулганы үеэр Ерөнхий сайд "Шинэчлэлийн Засгийн газар нүүрсийг өрхөд очихдоо нэг тонн нь 200 мянган төгрөг байсныг 80 мянга болгож чадсан. Үүнд бид ямар нэгэн татаас өгөөгүй. Зөвхөн зохион байгуулалтын ажил хийсэн. Багануураас төмөр замаар ачиж авчирдаг. Авчирсан нүүрсийг хүмүүс шигшдэг. Портортой хүмүүсийг дуудаад үнээ тохиролцоод хороо болгон дээр зарж байна. Я.Содбаатар гишүүн "Утаа нэмэгдсэн гэж хэлж байна". Чи нүүрс түлдэггүй байж дуугүй бай. Надтай мэтгэлзэх гээд  байгаа бол гэр хороололд очоод иргэдийнхээ дунд хоёулаа маргая. Нүүрсний үнэ 80 мянга болсон нь тэдний амьжиргааг дэмжсэн том алхам юм. Үүнд ард иргэд баярлаж байгаа. Портер нүүрсийг 200 мянга 80 мянгаар авах хоёр ялгаатай. Үүнийг дагаад бусад нүүрсний үнэ дагаад хямдарсан. Махны үнийн асуудлыг ч удахгүй шийднэ" гэлээ. Харин Я.Содбаатар гишүүн Ерөнхий сайдад хандан "Өнөөдөр миний ээж, аав, ах дүү гэр хороололд амьдарч байна. Гүүрс портер нь 200 мянга байгаа. Хоёулаа очоод нүүрсний үнийг харъя. Багануурын нүүрс шиг муу нүүрс байхгүй" гэлээ.