БНАСАУ “Скад” загварын хоёр баллистик  пуужингаа зүүн эрэг хавийн Өмнөд Хамгён мужийн нутагт нэмж байршуулжээ.

Удахгүй хөөргөнө хэмээн сүрдүүлээд буй дөрвөн мянган км-ийн туслалтат “Мусудан”-ыг оролцуулбал арваад баллистик пуужинг БНАСАУ зүүн эрэг хавийн нутагт байршуулсан байна. Эдгээр пуужингууд Японы болон АНУ-ын цэргийн баазад хүрэх хүчин чадалтай юм.

Япон, Өмнөд Солонгосын батлан хамгаалах салбарынхан энэ сарын 10-аас хойш өндөржүүлсэн бэлэн байдалд байна.