Энэтхэгийн цагдаа нар Нью Дели хотод таван настай охиныг хүчирхийлсэн хэрэгт дахин нэг эрэгтэйг сэжигтнээр татан баривчилсан тухай “CNN” мэдээлжээ.

Харгис хүчирхийллийн хэрэгт хам хэрэгтнээр буруутгагдсан этгээдээс ДНК-ийн шинжилгээ авахаар Нью Дели хотоос Бихар хот руу шилжүүлсэн байна. Энэтхэгчүүдийг дахин жагсахад хүргэсэн энэ хэргийн анхны сэжигтэн Манож Кумар хамсаатан буюу сэжигтнээ нэрлэжээ.

Манож Кумар нь хөршийнхөө таван настай охиныг энэ сарын 14-нд гэртээ оруулж давтан хүчирхийлсэн нь тогтоогдсон юм. Охиныг гурван өдрийн дараа гэрийнхээ ойролцоо ухаангүй хэвтэж байхад нь олжээ. Охины биеийн байдал маш хүнд байгаа бөгөөд эмч нар түүний бэлэг эрхтэнд бузар гартнуудын хийсэн лаа, жижиг лонхуудыг авах мэс заслыг амжилттай хийсэн.  Цагдаагийн ажилтнууд охины ар гэрийнхнийг чимээгүй өнгөрөхийг хүсч хахууль өгсний дараа хүчирхийлэлд живсэн Энэтхэгийн ард түмэн дахин жагсаж эхэлсэн байна.

Азийн хүний эрхийн төвийн мэдээлснээо Энэтхэгт 2001-2011 оны хооронд 48338 хүүхэд хүчирхийлэлд өртжээ.