Өчигдөр Японы Ерөнхий сайд Шинзо Абэ японы нийслэлийн төвд зам тээврийн осолд нэрвэгджээ.

Токиогийн нэгэн төв хороололд болсон энэ хэрэг явдлын уршгаар Японы засгийн газрын тэргүүн ба түүний бие хамгаалагчдын хөсгийг оролцуулан таван машин гэмтсэн байна. Харин Ерөнхий сайд Абэгийн биеийн байдал сайн байгаа хэмээн тус улсын Засгийн газрын хэвлэлийн албанаас мэдээлжээ. Өөр машинд сууж явсан хоёр бие хамгаалагч нь бэртсэн аж.