УИХ-ын дарга З.Энхболд өнөөдөр /2013-04-29/ үдээс өмнө Ардчилсан орнуудын хамтын нийгэмлэгийн Сайд нарын YII Бага хуралд оролцож буй Бүгд Найрамдах Латви Улсын Гадаад хэргийн яамны Парламентын нарийн бичгийн дарга Викторс Макаровсыг хүлээн авч уулзлаа.
Уулзалтын эхэнд УИХ-ын дарга З.Энхболд ноён Викторс Макаровст Бага хуралд оролцон Монгол Улсад саатаж буйд нь талархал илэрхийлээд “Европын Холбоо, түүний дотор Латви Улстай хамтын ажиллагаагаа хөгжүүлэх нь манай гадаад бодлогын чухал зорилтын нэг, Монгол Улс нь Латви Улсын Ази дахь итгэлт анд, найдвартай түнш бөгөөд бид Латви Улсыг өөрийн гуравдагч хөршөө гэж үзэж харилцаа, хамтын ажиллагааг бүхий л салбарт хөгжүүлэх сонирхолтой байдаг” хэмээн тэмдэглэн хэлэв. Тэрбээр мөн хоёр талын харилцааг хөгжүүлэхэд парламент хоорондын харилцаа чухал ач холбогдолтойг цохон тэмдэглэж, энэхүү харилцааг идэвхжүүлэхэд өөрийн зүгээс анхаарахыг ноён В. Макаровсаас хүслээ.
Ноён Викторс Макаровс Монголын нийслэлд болж буй Бага хуралд оролцох боломж олгосонд УИХ-ын даргад талархлаа илэрхийлээд ардчиллын замаар 20 гаруй жил замнаж байгаа Монголд хүрэлцэн ирж, ардчилсан хувьсгалын ололт амжилтыг нь хэлэлцэн, туршлага хуваалцаж байгаадаа баяртай байна гээд “Латви улс хоёр талын парламент хоорондын харилцааг идэвхжүүлэх нь чухал ач холбогдолтой хэмээн үзэж харилцаа, хамтын ажиллагаагаа зөвхөн парламентын түвшинд төдийгүй бусад түвшинд гүнзгийрүүлэх сонирхолтой байгаа”-г тэмдэглэв.
УИХ-ын дарга З.Энхболд манай улсын парламентад гадаад орнуудын парламенттай хамтран ажиллах хоёр талын найрамдлын бүлгүүд байдгийг ноён В.Макаровст дуулгаад Монгол, Латвийн парламентад хоёр талын харилцааг дэмжигч найрамдлын бүлгүүд байгуулахыг санал болгосон бөгөөд Латвийн ГХЯ-ны Парламентын нарийн бичгийн дарга уг саналыг хүлээн авч, Латвийн тал ч мөн ийм сонирхолтой байгааг мэдэгдлээ.
УИХ-ын дарга бас хоёр талын хууль тогтоох байгууллагын хамтын ажиллагааг дэмжих, түүнчлэн УИХ-ын Тамгын газар хоорондын харилцааг өргөжүүлэх сонирхолтой байгаагаа илэрхийлэхийн ялдамд хоёр талын худалдаа, эдийн засгийн хамтын ажиллагааг өргөжүүлэх боломж, бололцоо байгааг онцоллоо. Тэрбээр мөн 1990-ээд оноос өмнө Монголын оюутнууд Латвид сурдаг байсныг дурдаж, монголчууд Латвиас экспортолдог байсан лаазалсан загас /шпрот/, транзистор хүлээн авагчийг өргөн хэрэглэдэг байсныг дурсахад ноён Викторс Макаровс хоёр орон худалдааны салбарын хамтын ажиллагаагаа хөгжүүлж, биенесийн туршлагаа солилцон бие биеэсээ суралцах, тухайлбал, Монгол Улс мах, махан бүтээгдэхүүний томоохон үйлдвэрлэгчийн хувьд энэ чиглэлээр хамтран ажиллах бүрэн боломжтой хэмээн ярилаа.
УИХ-ын дарга З.Энхболд хоёр орон олон улсын байгууллагуудын хүрээнд үр бүтээлтэй хамтран ажиллаж байгааг тэмдэглээд Европын Холбоонд манай улстай холбогдолтой асуудлаар дэмжлэг үзүүлж ажиллахыг Латвийн талаас хүсэв. Тэрбээр мөн Монгол Улс байгалийн арвин баялагтай ч далайд гарцгүй орны хувьд дэлхийн зах зээлд гарахад ихээхэн хүндрэлтэй байгаа, Далайд гарцгүй орнуудын судалгааны хүрээлэнг Монголд байгуулахаар болж буйг дуулгаад далайд гарцгүй орнуудын асуудлаар ирэх онд болох НҮБ-ын Бага хурын үеэр Монгол Улсыг дэмжихийг хүсч, “Монгол Улс зөвхөн уул уурхайгаар амьдрах бус, уул уурхайн салбараас олсон орлогоороо бусад салбараа дэмжих, эн түрүүнд ноолуурын салбараа хөгжүүлж, олон улсын зах зээлд эцсийн бүтээгдэхүүн гаргах бодлого баримталж байгаа. Европ бол том зах зээл, гэтэл Европын орнуудтай хийж буй манай худалдааны хэмжээ чамлалттай байгаа тул ноолууран бүтээгдэхүүнээ уул уурхайн бус №1 экспорт болгохоор зорьж байгаа” хэмээн ярилаа гэж УИХ-ын Хэвлэл мэдээлэл, олон нийттэй харилцах хэлтсээс мэдээллээ
Уулзалтын эхэнд УИХ-ын дарга З.Энхболд ноён Викторс Макаровст Бага хуралд оролцон Монгол Улсад саатаж буйд нь талархал илэрхийлээд “Европын Холбоо, түүний дотор Латви Улстай хамтын ажиллагаагаа хөгжүүлэх нь манай гадаад бодлогын чухал зорилтын нэг, Монгол Улс нь Латви Улсын Ази дахь итгэлт анд, найдвартай түнш бөгөөд бид Латви Улсыг өөрийн гуравдагч хөршөө гэж үзэж харилцаа, хамтын ажиллагааг бүхий л салбарт хөгжүүлэх сонирхолтой байдаг” хэмээн тэмдэглэн хэлэв. Тэрбээр мөн хоёр талын харилцааг хөгжүүлэхэд парламент хоорондын харилцаа чухал ач холбогдолтойг цохон тэмдэглэж, энэхүү харилцааг идэвхжүүлэхэд өөрийн зүгээс анхаарахыг ноён В. Макаровсаас хүслээ.
Ноён Викторс Макаровс Монголын нийслэлд болж буй Бага хуралд оролцох боломж олгосонд УИХ-ын даргад талархлаа илэрхийлээд ардчиллын замаар 20 гаруй жил замнаж байгаа Монголд хүрэлцэн ирж, ардчилсан хувьсгалын ололт амжилтыг нь хэлэлцэн, туршлага хуваалцаж байгаадаа баяртай байна гээд “Латви улс хоёр талын парламент хоорондын харилцааг идэвхжүүлэх нь чухал ач холбогдолтой хэмээн үзэж харилцаа, хамтын ажиллагаагаа зөвхөн парламентын түвшинд төдийгүй бусад түвшинд гүнзгийрүүлэх сонирхолтой байгаа”-г тэмдэглэв.
УИХ-ын дарга З.Энхболд манай улсын парламентад гадаад орнуудын парламенттай хамтран ажиллах хоёр талын найрамдлын бүлгүүд байдгийг ноён В.Макаровст дуулгаад Монгол, Латвийн парламентад хоёр талын харилцааг дэмжигч найрамдлын бүлгүүд байгуулахыг санал болгосон бөгөөд Латвийн ГХЯ-ны Парламентын нарийн бичгийн дарга уг саналыг хүлээн авч, Латвийн тал ч мөн ийм сонирхолтой байгааг мэдэгдлээ.
УИХ-ын дарга бас хоёр талын хууль тогтоох байгууллагын хамтын ажиллагааг дэмжих, түүнчлэн УИХ-ын Тамгын газар хоорондын харилцааг өргөжүүлэх сонирхолтой байгаагаа илэрхийлэхийн ялдамд хоёр талын худалдаа, эдийн засгийн хамтын ажиллагааг өргөжүүлэх боломж, бололцоо байгааг онцоллоо. Тэрбээр мөн 1990-ээд оноос өмнө Монголын оюутнууд Латвид сурдаг байсныг дурдаж, монголчууд Латвиас экспортолдог байсан лаазалсан загас /шпрот/, транзистор хүлээн авагчийг өргөн хэрэглэдэг байсныг дурсахад ноён Викторс Макаровс хоёр орон худалдааны салбарын хамтын ажиллагаагаа хөгжүүлж, биенесийн туршлагаа солилцон бие биеэсээ суралцах, тухайлбал, Монгол Улс мах, махан бүтээгдэхүүний томоохон үйлдвэрлэгчийн хувьд энэ чиглэлээр хамтран ажиллах бүрэн боломжтой хэмээн ярилаа.
УИХ-ын дарга З.Энхболд хоёр орон олон улсын байгууллагуудын хүрээнд үр бүтээлтэй хамтран ажиллаж байгааг тэмдэглээд Европын Холбоонд манай улстай холбогдолтой асуудлаар дэмжлэг үзүүлж ажиллахыг Латвийн талаас хүсэв. Тэрбээр мөн Монгол Улс байгалийн арвин баялагтай ч далайд гарцгүй орны хувьд дэлхийн зах зээлд гарахад ихээхэн хүндрэлтэй байгаа, Далайд гарцгүй орнуудын судалгааны хүрээлэнг Монголд байгуулахаар болж буйг дуулгаад далайд гарцгүй орнуудын асуудлаар ирэх онд болох НҮБ-ын Бага хурын үеэр Монгол Улсыг дэмжихийг хүсч, “Монгол Улс зөвхөн уул уурхайгаар амьдрах бус, уул уурхайн салбараас олсон орлогоороо бусад салбараа дэмжих, эн түрүүнд ноолуурын салбараа хөгжүүлж, олон улсын зах зээлд эцсийн бүтээгдэхүүн гаргах бодлого баримталж байгаа. Европ бол том зах зээл, гэтэл Европын орнуудтай хийж буй манай худалдааны хэмжээ чамлалттай байгаа тул ноолууран бүтээгдэхүүнээ уул уурхайн бус №1 экспорт болгохоор зорьж байгаа” хэмээн ярилаа гэж УИХ-ын Хэвлэл мэдээлэл, олон нийттэй харилцах хэлтсээс мэдээллээ
