Долдугаар сарын 1-ний хэргээр шүүхээс ял авсан цагдаагийн дарга, хурандаа О.Зоригт, Ш.Батсүх нар хүнд өвчтэй, биөийн байдал муу байгаа талаар мэдээлэгдэж байсан билээ. Тодруулбал, Шүүхийн шийдвэр гүйцэтгэх Ерөнхий газрын Нэгдсэн эмнэлгээс хорих ял эдэлж буй О.Зоригт, Ш.Батсүх болон Говьсүмбэр аймгийн Засаг дарга асан Ж.Баянмөнх нарт ялаас чөлөөлөгдөх өвчний онош тавьж дүгнэлт гарган саналаа прокурорын байгууллагад ирүүлээд байсан юм. Гэтэл дээрх ял эдэлж буй хүмүүсийг үзсэн хорих ангийн эмч нар худлаа өвчний дүгнэлт гаргасан нь тогтоогдсон байна. Прокурорын байгууллагаас тусгай шинжээч томилон хорих ангийн эмч нарын гаргасан дүгнэлтийг шалгаж, дахин дүгнэлт гаргуулахад анхны тавьсан онош буруу байсан аж. Тиймээс Шүүхийн шийдвэр гүйцэтгэх Ерөнхий газрын нэгдсэн эмнэлгийн эмч нарын шийдвэрийг Прокурорын байгууллагагаас хүчингүй болгож, улмаар худал дүгнэлт гаргасан эмч нарыг Монгол Улсын Эрүүгийн хуулийн дагуу эрүүгийн хэрэг үүсгэн шалгахаар болжээ.