Туркмений Ерөнхийлөгч Гурбангулы Мяликгулыевич Бердымухамедовын уралдааны үеэр мориноосоо унасан бичлэг цацагджээ. Тэрээр өнгөрсөн ням гарагт Ашбагат хотод болсон алсын зайн уралдаанд мориноосоо унажээ. Энэхүү уралдаан нь 11 сая ам.долларын шагналтай байсан байна.

Гэвч уралдааны үеэр хийсэн бичлэгийг ерөнхийлөгч устгахыг тушаасан хэмээн эх сурвалжууд мэдээлжээ. Албаны хүмүүс онгоцны буудал болон цэнгэлдэхийн гадна үзэгчдийн гар утас, камер зэргийг шалгаж бичлэгийг устгасан ч аль хэдийн цацагдаж амжжээ.

Туркмен нь дэлхийн хаалттай орнуудын томоохон төлөөлөгч хэмээн барууны хэвлэл бичжээ. Ерөнхийлөгчийн бие сайн байгаа бөгөөд өнгөрсөн даваа гарагт ажил хэргийн уулзалтад оролцоход ч гэмтэл бэртэл аваагүй харагдсан аж.