Өнгөрсөн сард Бангладешийн Дакка хотод “Рана” плаза гэж нэрлэгдсэн найман давхар барилга нурж олон зуун хүн амиа алдсан. Амиа алдагсдын тоо өдрөөс өдөрт нэмэгдэж байгаа бөгөөд өнгөрсөн баасан гаргийн байдлаар 501-д хүрчээ.

Тус улсын цагдаагийн газар барилга нурсан хэрэгт инженер Абдур Раззак гэгчийг буруутган баривчилжээ. Түүнээс гадна нурсан барилгад үйл ажиллагаа явуулдаг байсан аж ахуй нэгж, компаниудын есөн захирлыг баривчлаад байсан юм.

Инженер барилга нурахын урьд өдөр цуу гарсан дээврийг хараад үйл ажиллагаа явуулдаг компаниудад анхааруулсан боловч ихэнх нь тоогоогүй байна. Гэсэн хэдий ч Абдур Раззакыг барилгыг чанаргүй барьсан хэмээн буруутгасан аж.

Намгархаг газар баригдсан “Рана” плаза нурах үед дотор нь 3000 гаруй хүн байжээ. Тэдний зөвхөн 2500 нь л амьд үлдсэн байна.

Д.Идэр