Хойд Солонгост тамхины тухай ямар нэгэн хорио, цээр байдаггүй. Хөдөө, тосгоны иргэдэд бол зарим мансууруулах бодис хэрэглэх нь хууль ёсных байдаг аж. Зарим хар тамхийг цэврээр нь хэрэглэх, наймаалахад цаазын ял оноодог ч марехуанд энэ хууль үйлчилдэггүй гэнэ. Учир нь марехуан Хойд Солонгост хар тамхины төрөлд тооцогдоггүй бөгөөд хэрэглэсэн тохиолдолд цагдаатай нүүр тулна гэсэн ойлголт байдаггүй аж.

   АНУ бол Хойд Солонгосоос "харшилтай" гэж хэлж болохоор орон. Засгийн газар нь цөмийн зэвсэгээс болж Хойд Солонгостой муу харилцаатай байдаг. Гэсэн ч АНУ-ын зургаан цэрэг Ким Чен Уны улсад амьдарч байна. Тэдний нэг болох  "эх орноосоо урвасан" гэх Жэймс Дреснок "Би гэрлэлт, гэр бүл, цэргийн амьдралаасаа маш их залхсан. Надад очих ганцхан газар үлдсэн нь Хойд Солонгос байсан" гэжээ.  1962 онд буюу 50 гаруй жилийн өмнө тэрбээр  минтэй талбайг туулан, Хойд Солонгосын хилээр нэвтэрч байжээ. Дөрвөн жилийн дараа өөртэйгээ адил түүхтэй таван цэргийн хамт эх орон руугаа явах гэсэн ч Хойд Солонгосын тал зөвшөөрөөгүй байна.

   1968 оны нэгдүгээр сарын 23. АНУ-ын "Pueblo" нэртэй байлдааны усан онгоц Хойд Солонгосын хилийн ойролцоо явж байгаад олзлогджээ. Усан цэргүүд шоронд хоригдож, жил гаруй хугацаанд өлсгөлөнгийн байдалтай хоригдож байгаад суллагджээ. Гэвч тэдний хөлөг онгоц эх орон руугаа буцаж чадалгүй үлджээ. Тиймээс "Pueblo" АНУ-ын Хойд Солонгос дахь хамгийн хуучны хөлөг онгоц болсон түүхтэй аж.

   Энэ улсыг дэлхий дээр цөөхөн үлдсэн коммунист улсын нэг гэдэг. Тэгвэл Хойд Солонгос 2009 онд коммунизмын үзэл суртлаас татгалзаж, марксикм-ленинизмийг халж, "Juche" гэх үзэл баримтлалыг дагах болсон байна. Энэ нь тус улсын удирдагч асан Ким Ир Сений үзэл баримтлал бөгөөд улс орны хөгжил, улс төрийн баримтлал, эдийн засаг болон дэд бүтцийг хөгжүүлэх талаар сургаал агуулсан онол гэнэ.

  Хойд Солонгосчууд Европын цаг тооллоос гадна "Juche" тооллыг ашигладаг. Энэ нь он тоолол нь удирдагч асан Ким Ир Сений төрсөн өдөр буюу 1912 оны 4-р сарын 15-ны өдрөөс эхэлдэг байна. 1997 онд энэ он тооллоор календарь гаргаж  Григорийн тоололтой хамт хэрэглэх болжээ.

   Хөгжил буурай орны тоонд ордог ч Хойд Солонгост дэлхийд хэмжээгээр хоёрт орох цэнгэлдэх хүрээлэн байдаг. Пхеньянд байдаг энэ стадион нь 150 мянган хүний суудалтай бөгөөд харьцангуй том талбайтай. Цэнгэлдэхийг 1989 онд барьж дууссан бөгөөд 1990-ээд онд Ким Чен Ирийн үед цэргийн дарга нарыг шатааж, цаазалдаг байжээ. Харин одоо хөлбөмбөг, хөнгөн атлетикийн тэмцээнд ашигладаг.

    Үлгэрт гардаг ганц эвэртийг бодит амьтан байсан гэж Хойд Солонгосын зарим иргэд итгэдэг. Учир нь саяхан тус улсын Нийгмийн ухааны академийн дэргэдэх Түүхийн институт ганц эвэртийн олдворыг олсон гэж мэдэгджээ. Тэдний үзэж байгаагаар уг олдвор Корёо хааны үед буюу 918-1392 оны үед хамаарах гэнэ.

  105 давхар өндөр, 20 жилийн турш дэлхийн хамгийн том зочид буудлаар тодорсон барилга энэ улсад байдаг. Японы нэгэн сонин уг пирамид хэлбэртэй зочид буудлыг 750 сая доллараар үнэлжээ.  Гэвч энэ зочид буудал ашиглалтанд ороогүй бөгөөд цонх, хана нь эвдэрч муудсаар засах аргагүй болсон байна.