Өнгөрсөн баасан гарагт таван настай хүүг эцэг нь зодож, заазуурдсан хэрэг гарсан. Энэ хэргийн тухай түргэн тусламжийн эмч нь бичлэг хийж, фэйсбүүк хуудсаар тарааснаар олон нийтийн дунд ил болоод байна. Тэгвэл таван настай хүү болон түүний ээж, гэр бүлийнхэнд туслах ажил өрнөж эхэллээ. Энэ асуудлаар залуус УИХ дахь эмэгтэй гишүүдийн зөвлөлд хандсан бөгөөд хүүхэддээ харгис хандсан эцгийн хэрэг, шүүх хурлыг олон нийтэд нээлттэй байлгахыг хүсч байгаа юм. Мөн Хүүхдийн төлөө Үндэсний төвийнхөн ч хүүг хамгаалахын төлөө ажиллана гэдгээ мэдэгдээд байна.