Францад үхлийн аюултай шинэ төрлийн корона вирусээр халдварласан хоёр дахь тохиолдол илэрсэн байна. Анх тус улсад вирус илэрсэн өвчтөнтөй түүнийг нэг өрөөнд байлгаснаас ийм үр дүн гарлаа хэмээн Францын Эрүүл мэндийн яам өчигдөр мэдээлжээ. Тэднийг өнгөрсөн сарын 27-29-ны өдрүүдэд нэг өрөөнд хэвтүүлсэн аж. Харин одоо шинээр халдвар авсан өвчтөнг тусгаарлалтын дор эмчилж байгаа гэлээ.

Шинэ төрлийн корона вирус буюу NCoV нь анх удаа хүнд илэрсэн тохиолдол гарсан юм. Францаас гадна Дундад дорнын орнууд тэр тусмаа Саудын Арабт энэ виурс халдварласан аж. Францанд тус халдвар илэрсэн анхын тохиолдол нь Саудын Арабт аялаад ирсэн өвчтөнгөөс илэрсэн болохыг тогтоосон юм.

Дэлхийн Эрүүл мэндийн байгууллагын мэдээлснээр тус вирусээр халдварлагсдын тал нь амиа алдаад байгаа аж. Нийт 31 хүн халдвар авснаас 18 нь амиа алдсан байна. Тус байгууллагын мэдээлснээр эмч нар вирусын асуудалд олон эргэлзээтэй байр суурьтай байгаа хэмэн дүгнэсэн байна. NCoV хүнээс хүнд халдварладаг боловч чухам ямар замаар халдварлаж байгааг тогтоогоогүй байна. Өвчний хяналт, урьдчилан сэргийлэх төвийн мэдээлснээр вирус халварлах гол шалтгаан нь хүйтэн уур амьсгал байж болох аж. Цаг агаар хүйтэн үед вирус амьгалсын замаар халдварлах боломжтой гэж үзсэн байна.

Өвчний шинж тэмдэг нь маш ноцтой бөгөөд ихэнх тохиолдлуудад уушигны үрэсвэл, хатгаа, бөөр өвдөх зэргээр илэрчээ.