Өмнөд Солонгосын Ерөнхийлөгчийн алба тус улсын төрийн албан тушаалтан АНУ-д айлчлах үед сексийн дуулиант хэрэг гаргасанд явдалд уучлал хүссэн байна. “Энэхүү хэрэг нь зөвтгөх ямар ч үндэслэлгүй гутамшигт явдал бөгөөд, хэргийн хохирогч гэгдэж буй охин, түүний гэр бүл болон Өмнөд Солонгосын бүх иргэдээс уучлал хүсч байна” гэж мэдэгдсэн аж. 

БНСУ-ын Ерөнхийлөгч Пак Кын Хегийн хэвлэлийн төлөөлөгчөөр ажиллаж байсан Ён Чан Жун нь АНУ-д айлчлах үед Солонгос-Америк гаралтай оюутанг Вашингтоны зочид буудалд оруулан илж, таалсан нь олон нийтэд цацагдсан байна. Гол нь оюутан охин түүнийг хүчирхийлэхийг завдсан хэмээн үзсэн юм. “Вашингтон пост” болон “Yonhap” агентлагийн мэдээлснээр 56 настай Ён Чан Жун охины цамцны товчийг зөвшөөрөлгүйгээр тайлсан гэжээ.

Энэхүү дуулиант хэрэг Ерөнхийлөгч Пак Кын Хе өнгөрсөн долоо хоногт АНУ-д анх удаа айлчлах үед гарч, хэвлэлийн төлөөлөгч Ён Чан Жуныг тэр дор нь ажлаас нь халсан байна.

Хэвлэлийн төлөөлөгч оюутанг хүчирхүүлэхийг завдаагүй бөгөөд энэ бол соёлын ялгаанаас үүсэлтэй буруу ойлголт хэмээн мэдэгдэж байгаа юм.

Хүчирхийлэлд өртөх шахсан охин 20 настай бөгөөд Өмнөд Солонгосын элчин сайдын яамд дадлага хийж байсан тул Ерөнхийлөгчийн дөрвөн өдрийн айлчлалын үеэр төлөөлөгчдөд тусалж байжээ.

Д.Идэр