Британий сургуулийн найман настай охин Энэтхэгийн эмнэлэгт эмгэнэлтэйгээр амиа алдсан талаар эцэг эх нь мэдээлжээ. Тэд охиных нь эд эрхтэнг авахын тулд эмч санаатайгаар амьсгалыг нь тасалдуулсан хэмээн үзэж байна.
 
Гуркайрен Каур Лоялын хэлснээр охин нь зөвхөн усгүйжүүлэлтийн эмчилгээ хийлгэхээр эмнэлэгт хэвтэж байжээ. Гэтэл эмч түүнд нэгэн сонин тарилга хийснээс хойш удалгүй  амьсгал хураасан байна. Энэтхэгт охинтой хамт байсан хамаатнууд нь түүний эд эрхтэн бүрэн бүтнээр нь хамгаалхын тулд хэд хоног манасан аж. Гэвч задлан шинжилгээ хийх нэрээр цогцсыг өөр тасагт оруулсан байна.

Охины цогцсыг Британид ирүүлсний дараа түүний нүднээс бусад шилжүүлж болохуйц үнэд хүрдэг бүх эрхтэнг авсан болохыг тогтоожээ. Эмч нар түүнийг хэрхэн алснаа нуухын тулд бүх эрхтэнгүүдийг нь хулгайлсан байх хэмээн хамаатнууд нь эцэг эхэд нь дамжуулсан аж.

Охины эцэг эх олон газарт хандсан ч Гадаад хэргийн яам нь зөвхөн охиныг өнгөрсөн сарын хоёрны өдөр нас барсан эсэхийг л баталж өгч чадна гэжээ. Харин Энэтхэгийн Цагдаагийн газар хэргийг мөрдөж байга гэсэн боловч нааштай хариу ирэхгүй байгаа гэлээ.