Өчигдрийн байдлаар АНУ-ын гурван муж улсад догшин хуй салхи Торнадо хүрсэн байна. Хуй салхинд орон гэр эвдэрч сүйдэн, модод шүдэнзний мод шиг бутарч байна хэмээн “BBC” дүрсэлжээ.

Торнадо хамгийн хүчтэй хуйларч байгаа муж бол Канзас, тус мужийн Вичита хотын баруун өмнөд хэсэг байна хэмээн Үндэсний цаг агаарын агентлаг мэдээлжээ. Үүний дараа эвдрэл сүйдлээрээ Оклахома мужийн Уэлсстон хот оржээ. 

Үүнээс гадна Торнадо Айова мужийн нутгийг даваа гаргийн өдөр дайрна хэмээн үзэж байна. Мөн Миссури мужид хуй салхины улмаас их хэмжээний бороо орж, үер болно хэмээн цаг агаарын мэдээгээр урьдчилан сануулж байгаа аж.
Одоогийн байдлаар Торнадогийн хор хохирлыг мэдээлээгүй байна.