Төрсөн хүүхдээ гэмт хэрэгт уруу татаж, жигшүүрт хэрэг үйлдэж байсан гэх эцгийн тухай мэдээлэл өнгөрсөн долоо хоногоос хэвлэлээр цацагдаад байгаа билээ. Тодруулбал, Баянзүрх дүүрэгт амьдардаг 40 гаруй настай аав, насанд хүрээгүй хүү хоёр бага насны охидыг судалж байгаад хүчинддэг байсан нь тогтоогджээ. Гаж буруу зуршилтай эцэг хүү хоёрын гарт олон охин хохирсон аж. Тэдний золиос болсон сүүлийн хохирогч охин тавдугаар ангийн сурагч байсан бөгөөд Баянзүрх дүүрэгт гарсан уг хэргийг одоогоор Улсын мөрдөн байцаах газарт шилжүүлэн шалгаж байгаа талаар албаны эх сурвалж мэдээллээ.