Алдарт “Youtube” өчигдөр найман нас хүрлээ. Тус компанийн хамт олон төрсөн өдрийн баяраараа сошиал сайтынхаа тухай гайхалтай тоон мэдээллүүдийг хүргэжээ.

Видео шэйрлэдэг дэлхийн хамгийн алдартай сайтад минут тутамд 100 цагтай тэнцэх хэмжээний урттай бичлэг ордог байна. Энэ нь цаг тутамд 6000 цаг, өдөрт 144 мянган цагийн урттай бичлэг “Youtube”-д тавигддаг гэсэн үг юм. Мөн “Youtube”-д сард давтагдсан тоогоор тэрбум гаруй зочилдог аж.

“Youtube” нь 2005 оны хоёрдугаар сард домэйн хаягаа бүртгүүлсэн боловч анхны бүтээлээ 2005 оны тавдугаар сард гаргасан юм. “Google” компани “Youtube”-ийг 2006 онд 1.65 тэрбум ам.доллараар худалдан авсан билээ. “Google”-ийн гүйцэтгэх захирал Эрик Шмидтийн мэдээлснээр “Youtube” хэрэглэгчдийн тоо 6-7 тэрбумд хүрэх боломжтой аж.
Хэрвээ та “Youtube” дэх энэ бүх мэдээллийн санг хэрхэн хадгалдагийг харахыг хүсвэл тус компанийн мэдээллийн төвөөр аялаарай.

Д.Идэр