Гүржийн ард түмэн өчигдөр тусгаар тогтнолын баяраа тэмдэглэжээ. Энэхүү арга хэмжээ нийслэл Тбилис хот төдийгүй бусад хотуудад ч мөн нэлээд өргөн хүрээнд зохион байгуулагдсан байна.

Өмнөд Кавказын орны шинэчлэлийн Засгийн газар энэ жил тусгаар тогтнолын баяраа цэргийн парад төдийхнөөс илүү өргөн хүрээнд тэмдэглэх зорилго тавьжээ. Өчигдөр тус улсын 26 хотод соёл урлаг, спортын олон арга хэмжээ зохиогдсон аж.
Мөн өчигдөр тус улсын бүх яамд, их дээд сургууль болон томоохон үндэсний комданиуд дээрх хотуудад үзэсгэлэн гаргасан нь Гүржийн хөгжлийн түвшинг харуулж чадлаа хэмээн “Сяньхуа” агентлаг цохон тэмдэглэжээ.

Ерөнхийлөгч Михайл Саакашвили тусгаар тогтносон өдрөөр Афганистан дахь Гүржийн цэргүүдтэй хамт өнгөрүүлсэн бол Ерөнхий сайд Бизина Иванишвили ард түмэндээ телевизээр мэднчилгээ дэвшүүлжээ.  
Гүрж нь 1918 оны тавдугаар сарын 26-ны өдөр тусгаар тогтнолоо зарласан юм.