Энэтхэгийн Ерөнхий сайд Манмохан Сингх гурван өдрийн албан ёсны айлчлалаар хийхээр өчигдөр Японд очжээ. Тэрээр Японы Ерөнхий сайд Шинзо Абэтэй уулзаж олон асуудлаар ярилцах аж. Энэхүү айлчлалын зорилго нь Токиотой харилцааг бүх чиглэлээр бэхжүүлэх, ялангуяа атомыг энх тайван зорилгоор ашиглах хүрээнд хамтран ажиллах хэлэлцээнд хүрэх юм байна.

Ерөнхий сайд Манмохан Сингх гэргий Гуршаран Кауртай хамт Токиод хүрэлцэн очсон бөгөөд Акихито эзэн хаан, Митико хатагтай болон Японы сайд нарын танхимын гишүүд, улс төрийн бусад зүтгэлтнүүдтэй уулзах юм.