Өчигдөр АНУ-ын Ерөнхийлөгч Барак Обамад хортой захидал илгээсэн талаар мэдээлсэн. Тэгвэл өнөөдөр энэхүү хэрэгт сэжиглэн Техас мужийн нэгэн иргэнийг сэжиглэн баривчилжээ. Мөн сэжигтэнг энэ долоо хоногт Нью-Йорк хотын дарга Майкл Блүмбергт рицин хортой хоёр захидал илгээсэн хэмээн сэжиглэж байгаа аж.

Сэжигтний эхнэр өчигдөр орой цагдаагийн газарт хандадн дуудлага өгчээ. Мэдээллийг нь нууцалж байгаа эмэгтэй нөхрийнхөө комьпютерээс рицин хорыг гар аргаар хийх болон Ерөнхийлөгч Барак Обама, мэр Майкл Блүмберг нарын тухай мэдээллийг хадгалсныг үзсэн гэж мэдүүлжээ. Мөн гэрийнхээ хөргөгчнөөс рицин хортой төстэй нунтаг олсон гэсэн байна.

Анхны хортой захидлын “Хууль бус зэвсгийн эсрэг хотын мэрүүд” нэртэй байгууллагад хаяглан Майкл Блүмбергийн шуудангийн хайрцагт хийсэн байсан юм. Өнгөрсөн хоёрдугаар сард тус улсын Коннектикут мужийн бага сургуульд буутай этгээд 26 хүний амийг хөнөөснөөс хойш буу эзэмших хуулийг чангатгах талаар улс төрчид мэтгэлцэж эхэлсэн юм. Барак Обама, Майкл Блүмберг нар нь буу эзэмших хуулийг чангатгах хүсэлтэй төлөөлөгчид билээ.