Киргизэд Канадын алт олборлодог компани "Centerra Gold"-ийн үйл ажиллагааг эсэргүүцэн олон зуун хүн жагсчээ. Харин тэдний эсэргүүцлийг дарахаар 200 гаруй гаруй цэрэг, цагдаа нарыг Засгийн газраас оруулсны улмаас жагсагчид улам уурлаж, мөргөлдөхөд хүрсэн байна.

Мянга гаруй иргэн Канадын компанийг эсэргүүцсэн шалтгаан нь тэд олборлолт хийж буй Кумтор уурхайгаас ард түмэн илүү хувь хүртэх ёстой хэмээн үзсэн аж. 

Харин Засгийн газраас уурхайн ойр орчимд онц байдал зарлаад байна. "Centerra Gold" компанийн зүгээс “Бид татварт нэг тэрбум гаруй ам.доллар төлсөн. Энэ мөнгийг нийгмийн олон төслүүдэд ашиглаж байгаа” хэмээн олон улсад тайлбар хийлээ.