Оросын "Pussy Riot" хамтлагийн гишүүн Надежда Толоконникова өнөөдөр 11 өдрийн өлсгөлөнгөө зогсоожээ. Урал дахь шоронд хоригдож байгаа тэрбээр 2012 оны хоёрдугаар сард болсон тус улсын Ерөнхийлөгчийн сонгуулийн үеэр В.Путинг доромжилсон утгатай дуу дуулж, олон нийтийг уриалан дуудсан хэргээр ял сонссон юм. Тус хамтлагийн гишүүн Екатерина Самуцевич өнгөрсөн 10-р сард батлан даалтаар гарсан бол Надежда үүнээс татгалзсан. Тэрбээр шоронгийн удирдлагууд бусад хоригдлуудыг түүний эсрэг өдөөн турхирч байна хэмээн өлсгөлөн зарласан байна.
Ерөнхийлөгчийн сонгуулийн үеэр В.Путинг эсэргүүцсэн утгатай дууг олон нийтийн газар дуулж танхайрсан хэмээн тэднийг буруутгасан юм. Охидын хамтлагийг өөрсдийн үзэл бодлоо илэрхийлсэн тул ингэж хорих нь хууль бус хэмээн олон нийт үзэж байгаа. Мөн поп од Моданна ч Москвад тоглолт хийхдээ тэднийг эрхийг боож байна хэмээн дэмжиж байгаагаа илэрхийлсэн юм. Гэсэн ч эрх баригчид тэдний хоёр жилийн ялыг хөнгөлөх төлөвгүй байгаа гэж Оросын хэвлэлүүд бичиж байна. Охидыг хорьж байгаа нь ерөнхийлөгч В.Путины нэр хүндэд сөргөөр нөлөөлж байгааг ч мөн онцолж байгаа юм.
