Палестины үндэсний засаг захиргааны тэргүүн Махмуд Аббас шинэ Ерөнхий сайдаа томилсон талаар “BBC” мэдээллээ. Тэрээр өмнөх Ерөнхий сайд Салем Фаядугийн оронд Британид боловсрол эзэмшсэн Палемтины их сургуулийн ректор, бие даасан улс төрч Рами Хамдаллег сонгосон байна. 55 настай Рами Хамдалла нь Палестины Сонгуулийн төв хорооны нарийн бичгийн даргаар ажиллаж байжээ.
Махмуд Аббас шинэ томилгооны тухай зарлахдаа исламын сөрөг хүчний талтай гурван сарын хугацаанд нэгдсэн засгийн газар байгуулах тухай тохиролцсон тухайгаа мэдэгдсэн байна. Энэ нь Иордан голын Баруун эргийн сайд нарын танхим болон “ХАМАС” хөдөлгөөний хяналт дор байдаг Газын зурвасын захиргааг солих ёстой гэсэн үг юм.