Гурвалжингийн гүүрний ойролцоо хаягдал төмрийн цэгээс бууны сум их хэмжээгээр олджээ. Нийслэлийн онцгой байдлын албан хаагчид, цагдаагийн газар, Зэвсэгт хүчний 084 дүгээр ангийн албан хаагчид дуудлагын дагуу очиход 32 ширхэг сум, хонгио байжээ. Сум хонгиог Гурвалжингийн гүүрний баруун талд хаягдал төмөр худалдан авагч Б хадгалж байсан байна. Энэ талаарх мэдээлэл Нийслэлийн онцгой байдлын газарт энэ сарын 1-нд иржээ. Дуудлагын дагуу очиж шалгахад 32 ширхэг сум, хонгионоос гадна  120 мм-ийн минимётны тэслэгчтэй хоёр ширхэг сум байгааг тогтоож, Зэвсэгт хүчний 084 дүгээр ангийн Тэсэрч, дэлбэрэх зүйлсийн хайгуул устгалын бүлэгт устгал хийлгэхээр шилжүүлэн өгсөн байна. Одоогоор уг хэргийг Баянгол дүүргийн цагдаагийн хоёрдугаар хэлтсийнхэн шалгаж эхэлжээ.