“Форд мотор” компани 2013 оны 465 мянган машинаа эргүүлэн татах болсноо мэдэгдлээ. Эдгээр машинуудын шатахууны сав шүүрснээр гал гарах эрсдэлтэй байгаа тул шалгах, засварлах зорилготой гэлээ.

Эргүүлэн татаж засварлах ёстой машинуудад 2013 оны Ford Fusion, Flex, Explorer, Taurus, Interceptor Sedan,  Interceptor Utility, 2013 Lincoln MKZ, MKS, MKT загвар багтаж байна.

Банкнаас бензин шүүрч буй талаарх гомдлыг өнгөрсөн дөрөвдүгээр сарын нэгэн гэхэд 600 гаруй үйлчлүүлэгч мэдүүлсэн байна.  465 мянган машины 420 мянгыг нь АНУ, Канад, Мексик улсуудад эргүүлэн татах аж.
“Форд мотор” компани нь өнгөрсөн 12, 11 дүгээр саруудад нийтдээ 99 мянган машин эргүүлэн татаж засварласан билээ.