Бостон хотод бөмбөг дэлбэлсэн хэрэгт холбогдсон Жохар Царнаев өчигдөр ээжтэйгээ ярьжээ. Тэрбээр дэлбэрэлт болсноос хойш нэг ч удаа гэрийнхэнтэйгээ холбогдоогүй байсан юм. Түүний ээж Анзор Цахнаев утсаар ярихдаа хүүгийнхээ бие хэр байгааг асуужээ. 19 настай Жохар " Та санаа зоволтгүй. Миний бие өвдөхгүй, хоол идэж эхлээд удаж байна. Тэд надад цагаан будаа, тахианы мах өгч байгаа. Бүх юм сайн байна" хэмээн хариулжээ.

   Харин ээж нь түүний ярианд итгэхгүй байгаа бөгөөд зөвхөн тайвшруулах гэж ингэж хэлсэн хэмээн "CNN"-ий сурвалжлагчид ярьжээ. Анзло Царнаев "Миний хүү өөрт нь юу тохиолдоод байгааг сайн ойлгохгүй байна. Надтай ярихдаа хашхирч ярьж байгаа юм шиг санагдсан. Хүү минь АНУ-ын шүүхийн системийн золиос болоод байна шүү дээ. Миний хүүхдүүд ийм зүйл хийсэн гэдэгт би итгэхгүй байна" гэжээ.

  Тэрбээр цаазын ял авч магадгүй байгаа хүүтэйгээ яриад "Бид диваажинд дахин уулзаж, хамт байх болно" гэж хэлээд утсаа тавьсан байна.


 Жохар Царнаевын ах цагдаа нартай буудалцах үеэр нас барсан бол тэрбээр одоо байцаагдаж байгаа юм. Энэ гэр бүлийн хамаатан саднууд хүүг нэр хүнд унагаасан аймшигт хэрэг үйлдсэн гэдгээ хүлээн зөвшөөрч, уучлалт гуйх хэрэгтэй гэж мэдэгдсэн билээ.