1990 оны монголын ардчилсан хувьсгалын анхны гарааг санаачлагч, хувьсгалын хөдөлгөгч хүчийг бүрдүүлэгч, удирдагчийн нэг бол Монгол Улсын одоогийн ерөнхийлөгч Цахиагийн Элбэгдорж. Түүний ардчилалд оруулсан хувь нэмрийг монголчууд төдийгүй дэлхий мэднэ. Ард түмэндээ эрх чөлөө, аз жаргалыг авч ирсэн гарамгай тэмцэгч билээ.
    
            Өнөөгийн бидний амьдарч байгаа 21-р зуун бол дэлхий ертөнц даяарчилагдаж байгаагаараа онцлогтой. Эрин зуун бөгөөд олон улсын харилцаанд энэ нь эерэг, сөрөг нөлөө үзүүлэхийн хамт дэлхийн хөгжил үүлэн борын хурдацаар давшингуй хэлбэрээр явагдаж байна.
Их богд Чингис хааны үеэс даяарчилагдаж эхэлсэн энэ түүхэн үйл явцад Монгол Улсын оролцоо асар их болж байгаа нь Монгол Улсын ерөнхийлөгчөөс маш их боловсрол, мэдлэг, туршлага, хэлний мэдлэгийг шаардах болжээ. Энэ бол эрин цагийн хэрэгцээ.Цахиагийн Элбэгдорж бол монголоор барахгүй дэлхийн ард түмний өмнө хэлсэн үнэн үгтэй, хийсэн үйл, байгуулсан гавъяатай. Харь оронд монголоо таниулсан дүр төрхтөй, гүн ухаанаар сэтгэж, уран үгээр яръдаг, улс төрийн их туршлагатай шантаршгүй тэмцэгч монгол хүн.

    Хуучин ЗХУ-ын их сургуулийн дээд боловсролтой, бакалаварын зэрэгтэй АНУ-ын Харвардын их сургуулийн магистр цолтой эрдэмтэн, орос, англи хэлтэй. Үүнээс үзвэл даяарчилалын эрин зууны боловсролтой хүн юм.

    Ц.Элбэгдоржийн НҮБ-ын чуулган, Давосын цугларалт, Японы парламентэд тавьсан илтгэл, хэлсэн үгнээс харахад Монгол Улсын гадаад улс төр, эдийн засгийн бодлогын өөрчилөлт, шинэчлэл дэлхийн олон улсын хамтын нийгэмлэг, олон улсын байгууллага, улс гүрнүүдээр асар их дэмжигдэж байгааг ойлгож болно.

    Ерөнхийлөгч Ц.Элбэгдоржийн санаачилга дэлхийн олон улсаас дэмжигдсэн жишээ бол манай орны цөмийн зэвсэггүй статусыг НҮБ-ын аюулгүйн зөвлөлийн байнгын таван гишүүн баталгаажуулж 2012 оны 9-рсард тавуулаа гарын үсгээ зурсан байна.

    Монгол Улс 2012 оны 11-р сарын 22-нд Европын аюулгүй байдал, хамтын ажиллагааны байгууллага (ЕАБХАБ) ын 57 дахь бүрэн эрхт гишүүн болсон нь Ц.Элбэгдоржийн санаачилга, үйл ажиллагаатай холбоотойгоос гадна Ардчилсан орнуудын хамтын нийгэмлэгийн бага хуралд 2011 оны 7-р сард оролцож Монгол Улс 2011-2013 онд АОХН-ийг тэргүүлэх лиссабоны бага хурлын шийдвэрийг хэрэгжүүлэв. Энэ шийдвэрээр монгол улс АОХН-ийн сайд нарын 7-р бага хуралыг 2013 оны 4-р сард эх орондоо амжилттай зохион байгуулсан нь Ардчилсан Монгол улсын нэр хүндийг дэлхий дахинд асар өндөрт гаргасан олон улсын түүхэн үйл явдал боллоо.

    Ц.Элбэгдорж ерөнхийлөгчийн 4 жилд авилгатай тэмцэх талаар хийсэн ажлын үр дүнд монгол улс авилгын түвшнээр 120 д явж байсан бол 2013 оны байдлаар 94-р байранд орж 26 орноор буурсан нь Монголын төр авилгатай тэмцэх талаар олон улсад сайн жишиг тогтоохын төлөө явж байгаагийн сайхан үлгэр дууриал болж өглөө.

    Одоогийн Ерөнхийлөгч Ц.Элбэгдоржийн эхлүүлсэн ажлыг нь дуусгуулж, санаачилсан ажлынх нь сайхан үр шимийг хүртэхийг олон хүн хүсэн хүлээж байна.
                                                
Хан-Уул дүүрэг 15-р хорооны өндөр настан Г.Дашням