Дөнгөж сая Нийслэлийн цагдаагийн Ерөнхий газраас мөнгө угаах гэмт хэрэгтэй холбоотой мэдээллээр хурал хийлээ. Тодруулбал,  Боловсрол, соёл шинжлэх ухааны сайд асан Ё.Отгонбаярын эхнэр О.Эрдэнэсолонгыг УМБГ-аас өнөөдөр цагдан хориод байгаа юм байна. Учир нь түүний  Зоос банк, Голомт банк, Худалдаа хөгжлийн банкин дахь дансаар 2009-2013 оны хооронд нийтдээ 323 сая ам.доллар, 13.9 тэрбум төгрөг, байршуулан угаасан байж болзошгүй хэрэг гарчээ. Маш их хэмжээний мөнгө бүлэглэн угаасан, татвар төлөхөөс зайлхийсэн зэрэг үндэслэлээр шалгаж эхэлжээ. Тус хэрэгт холбогдох нэр бүхий этгээдүүдийг цагдан хорих, хөрөнгийг нь битүүмжлэх, үзлэг шалгалтыг хийгээд эхэлсэн бөгөөд интерпол, олон улсын санхүүгийн байгууллагатай хамтран ажиллаж байгаа аж.

 Хэрэв энэ мөнгө УИХ-ын гишүүнтэй холбоотой нь  тогтоогдвол  түүний бүрэн эрхийг нь түдгэлзүүлэх асуудлаар Улсын ерөнхий прокурорт хүсэлт тавих юм байна. Ингээд улсын ерөнхий прокурор хуульд заасны дагуу УИХ-д эл асуудлыг тавих аж.