Иргэний нисэхийн ерөнхий газрын агаарын тээврийн бодлого зохицуулалтын газрын менежер Э нь "Электрон систем" ХХК-ийн захирал Б-тэй бүлэглэн өнгөрсөн оны хоёрдугаар сараас аравдугаар сарын хооронд удаа дараагийн үйлдлээр иргэний нисэхийн зорчигч бүртгэлийн сүлжээний опператорын сонгон шалгаруулалах төсөлд зарцуулагдах төсвийн хөрөнгөнөөс завшсан гэх хэргийг цагдаагийн газар шалгаж эхэлжээ.  783 сая 167 мянга 600 төгрөгийг бусадтай бүлэглэн завшиж эл мөнгийг Хонконгийн нэр бүхий компаниудын дансаар шилжүүлэн авч мөнгө угаасан болзошгүй гэмт хэргийн шинжтэй үйлдэл учир шалгагдаж байгаа талаар цагдаагийн газраас мэдээллээ. Эрүүгийн хуулийн тусгай ангийн 150 дугаар зүйлийн 5/3-т заасан бусдын өмч хөрөнгийг завшиж, үрэгдүүлсэн гэсэн хэрэгт холбогдуулж мөрдөн байцаах ажиллагаа үргэлжилж байгаа юм байна.