БНХАУ, Өмнөд Солонгос улсууд цэргийн харилцаа холбоогоо өргөжүүлэхээр тохиролцсон талаар “BBC” мэдээллээ. Энэхүү шийдвэрийг Өмнөд Солонгосын Зэвсэгт хүчний штабуудын дарга нарын Нэгдсэн хорооны тэргүүн Чон Сун Жоны Бээжинд хийсэн айлчлалын үр дүнд гаргажээ.

“Солонгосын хойгийг цөмийн зэвсэггүй болгох нь Зүүн-хойд Азийн энх тайван, аюулгүй байдалд зайлшгүй чухал” гэж Хятадын Ардын чөлөөлөх армийн жанжин штабын дарга Фан Фэнхуэй мэдэгдсэн байна.

Талууд Солонгосын хойгийн аюулгүй байдал болон Хойд Солонгосын цөмийн туршилт, пуужингийн хөөргөлтийн асуудлаар адил санал бодолтой байгаагаа тэмдэглэжээ.